Amit Quluzadə Türkiyə ilə yanaşı, başqa ölkələrdə də legioner həyatı yaşayıb.

Amit football-plus.az saytına açıqlamasında Mahir Emrelinin “Konyaspor”u seçməsinə münasibət bildirdi:

“Uzun müddət idi oynamırdı. Bunun sözünü veriblərsə, təbii ki, “Konyaspor”u seçməsi məqsədəuyğundu. Bəlkə də belə görünür. Çünki klubda baş məşqçi dəyişikliyi olub. Klubu İlhan Palut çalışdırırdı. Onun yerinə serb mütəxəssis gəldi. Ümumiyyətlə, komandanı iki əsas futbolçu tərk etdi. Amir Hacıahmetoviç “Beşiktaş”a, Zyumer Byutyuki isə “Olimpiakos”a getdi. Bu səbəbdən də onlar normal hücumçu axtarışında idi. Oturuşmuş komanda olsa da, yenilənmə də var. Mahirin gəlişindən sonra necə olacağını bilmirəm. Ümid edirəm ki, yaxşı alınar. Ancaq uğur arzulamaq olar. Məncə, bir qədər vaxt keçəndən sonra daha yaxşı təhlil etmək mümkündü. “Konyaspor” daha çox əks-hücumda oynayan komandadı. Bilmirəm Mahir onlara uyğun gələcək, ya yox. Ola bilər ki, yeni baş məşqçi sistemi dəyişsin. Ümid edək ki, azərbaycanlı futbolçu üçün hər şey yaxşı olacaq”.

İLKİN SULTANLI