Bir müddət klubsuz qalan Fəhmin Muradbəylinin axır ki, yeni komandası bəlli oldu.


"Neftçi"nin sabiq futbolçusu 1-ci divizionun lideri "Araz Naxçıvan"la anlaşıb. "Football-plus.az" saytı olaraq Muxtar Respublika təmsilçisinin baş məşqçisi Azər Bağırovdan yeni transfer barədə təəssüratını öyrəndik:

"Fəhmini "Neftçi"də işlədiyim vaxtdan tanıyıram. Tərbiyəsinə, davranışına, potensialına yaxşı bələdəm. Normal münasibətlərimiz var. Klub tərəfindən təklif göndərdik, oturub danışdıq və razılığa gəldik. Yaya qədər bizimlədi. Əsas məqsədimiz elitaya vəsiqə qazanmaqdı. Bacarsaq, düşünürəm ki, bunda Fəhminin də böyük rolu olacaq".

ABDULLA İSMAYILOĞLU