“Real götürsək, 1-ci divizionda ən optimal heyətlə mübarizə aparan, sıralarında təcrübəli futbolçular olan "Araz Naxçıvandı". İlk turda səfərdə onlarla oynadıq. Həmin matçda itkilərimiz çox idi, 5 əsas heyət oyunçumuz zədə və yığmaların təlim-məşq toplanışına qoşulduğu üçün oynamırdı. Həmçinin oyunumuz alınmadı. Təbii ki, bunları deməklə həmkarım Azər müəllimin qələbəsinə kölgə salmıram, qələbəyə layiq idilər. "Araz Naxçıvan" çox yaxşı təşkil olunan komandadı. Düşünürəm ki, qarşılarına qoyduqları məqsədlərə çatacaqlar. Onlara uğurlar arzu edirəm".

"Araz Naxçıvan" çempionatın ən güclü komandası olmaqla yanaşı, həm də maddi durumu sabitdi. Komandanın maliyəsi yaxşıdısa, yetərincə səviyyəli futbolçuları da olacaq. Türkiyədə yaxşı təlim-məşq toplanışı keçdilər, yoxlama matçlarında güclərini sınadılar, səviyyəli yerli və legioner futbolçular transfer etdilər. Qısası, komanda çempionata yaxşı hazırlaşmışdı. "Araz Naxçıvan"ın heyəti hər cəhətdən 1-ci divizionun qalan komandalarından fərqlənir. Bundan başqa, azarkeşlər Muxtar Respublikada onları coşqu ilə qarşılayır, güclü dəstək verirlər. Bütün bunları nəzərə alsaq, təbii ki, "Azar Naxçıvan" çempionatın ən güclüsüdü".