Fevralın 7-də birinci divizionda ikinci dövrə start götürəcək.

Football-plus.az xəbər verir ki, aşağı liqa təmsilçiləri hazırlığı başa vurmaq üzrədi.

Son yeniliklərlə tanış olmaq üçün "Mingəçevir"in baş məşqçisi Şahruz Mustafayevlə əlaqə saxladıq:

"Kəpəz"in əvəzediciləriylə son sınaq matçımızı da keçirdik və 0:3 hesabıyla yenildik. Əsas odu, heyətimizə yeni qoşulanları yoxladıq. İstədiyimiz futbolçuları transfer edə bilmədik. Yalnız limitə düşənləri sıralarımıza qatdıq. Əsas narahatlığım odu ki, komandanı tam komplektləşdirə bilmədim. Maddi durumumuz hamıya bəllidi. Sponsorların olmaması bizi çox geri atır. Bir neçə gündən sonra çempionat bərpa olunur. "Neftçi-2" ilə oyuna hazırlaşacağıq. Mübarizə aparacağıq, çempionatın axarı hər şeyi göstərəcək".