Xaliq Mərdanov Rauf Əliyevin “Kəpəz”dən ayrılmasına münasibət bildirdi
Rauf Əliyevlə Əfran İsmayılov karyerasını başa vurub.
Rauf buna qədər "Kəpəz-2"də qolları sıralamaqla komandasının bombardiri idi.
Əfran da 1-ci divizionun 2-ci dövrəsində əvəzedicilərə qoşulacağını söyləmişdi. Lakin hər iki futbolçu karyerasını bitirməyi məqsədəuyğun saydı.
"Football-plus.az"saytı olaraq "Kəpəz-2"in baş məşqçisi Xaliq Mərdanovun adı çəkilən futbolçuların, əsasən də Raufun karyerasını başa vurması və bunun komandaya təsiri ilə bağlı fikrini öyrəndik:
"Raufla Əfran yaxşı futbolçular idi. Düşünürəm ki, bir qədər də oynaya bilərdilər. Amma fərqli seçim etdilər. Bizə onların qərarına hörmətlə yanaşmaq qalır. Hər ikisinə bundan sonrakı həyatlarında və karyeralarında uğurlar arzu edirəm. Rauf vurduğu qollar, gənc futbolçularla anlaşma, komandamıza dəstəyi ilə seçilirdi. Qısası, onun yeri görünəcək. Millimizin sabiq üzvü fədakarlıqla bizə kömək göstərirdi. Dizində xroniki zədə olmasına baxmayaraq, meydanda əlindən gələni edirdi. Bunda onun məşqçilər heyəti, gənc futbolçularla qaynayıb-qarışması, həmçinin hər birimizin ona hörmət və qayğı göstərməsinin də rolu az deyildi. Bunlar olanda istənilən futbolçu həm oyuna yaxşı köklənir, həm də meydanda komandası üçün döyüşür. Raufun yerini doldurmaq çətin olacaq. Ona özüm və bütün "Kəpəz-2" kollektivi adından təşəkkürümü bildirirəm" .
[quote][/quote]ABDULLA İSMAYILOĞLU
Digər xəbərlər
