"Qarabağ-2" ötən mövsümü mükafatçılar sırasında başa vuran kollektivdi. Onlar oturuşmuş heyətə, perspektivli, sürətli, texnikalı futbolçulara malikdi. Belə komandaya qarşı oynamaq çətindi. Nəzər alsaq ki, son 30 dəqiqəni azlıqda oynayaraq, 84-cü dəqiqədə buraxdığımız qolla uduzduq, düşünürəm ki, pis oynamadıq. Yetirmələrim meydanda sona kimi döyüşdülər. Çox istəyirdik ki, səfərdən ən azı 1 xalla ayrılaq, amma alınmadı. 10 nəfərlə "Qarabağ"ın əvəzedicilərinə qarşı eyni tempdə oynamaq çox çətindi. Hakimin hədsiz vərəqə göstərməsinə gəlincə, haqlı və haqsız olduğu məqamlar vardı. Amma mən hakimlik haqda çox danışmaq və onu tənqid etmək istəmirəm. Yetirmələrim üzərinə düşən məsuliyyəti dərk etməli və komandanı pis vəziyyətdə qoymaqdan çəkinməlidi. Peşəkar futbolçu olmaq üçün bu vacib amildi. Düşünürəm ki, futbolçularım bu matçdakı səhvlərindən düzgün nəticə çıxaracaq".