3:0 öndə olan "dənizçilər" üstünlüyünü qoruya bilmədi. Tədricən özünə gələn "Sabah" 2 qol vurmaqla yekun hesabı müəyyənləşdirdi. "Football-plus.az" saytı olarq "Səbail"in futbolçusu Nihad Qurbanlının matçla bağlı fikirlərini öyrəndik:
"Çətin oyun olacağını bilirdik. Həftə ərzində yaxşı hazırlaşmışdıq, matça da istədiyimiz kimi başladıq. Rəqib 10 nəfərlə qaldıqdan sonra daha rahat oynamağa başladıq. Fasiləyə 1:0 üstün yollandıq. İkinci hissədə də hər şey arzuladığımız ssenari üzrə gedirdi, daha 2 qol vurduq. Təəssüf ki, son dəqiqələrdə 2 qol buraxdıq. Qələbə qazansaq da, cavab qarşılaşmasına əlverişli hesabla gedə bilmədik. Çalışacağıq ki, 2-ci oyunda da qələbə qazanıb kubokun yarımfinalına vəsiqəni təmin edək".
ABDULLA İSMAYILOĞLU
