30 dekabr tarixində, Azərbaycan Basketbol Federasiyasının prezidenti Emin Əmrullayev, federasiyanın məsul əməkdaşları və milli komanda üzvlərinin iştirakı ilə 9 saylı cəzaçəkmə müəssisəsində məhkumlar üçün nəzərdə tutulmuş yeni basketbol lövhəsi istifadəyə verlimişdi.

Tədbiri giriş sözü ilə açan federasiya prezidenti Emin Əmrullayev, cəza çəkən insanları qarşıdan gələn Dünya Azərbaycanlılarının Həmrəyliyi Günü və Yeni il bayramı münasibətilə təbrik edərək, ən qısa vaxt ərzində bu bayramları ailələri ilə birgə qeyd etmələrini arzulayıb. Daha sonra milli komandamızın üzvləri məhkumlara yığma komandanın formalarını hədiyyə ediblər.

Qeyd edək ki, federasiyanın təşkilatçılığı ilə yaradılmış basketbol lövhəsi məhkumların istirahət vaxtlarından daha səmərəli istifadə etmələri üçün nəzərdə tutulmuşdu.