Football-plus.az xəbər verir ki, oyundan sonra keçirilən mətbuat konfransında Elmar Baxşıyev matç haqda fikirlərini səsləndirdi:
"Ağır olacağını bilirdik. Kubok oyunundan sonra temp baxımından çətinlik çəkdik. "Qarabağ"la matçda çox güc sərf etdik. Düşünülmüş hücumlarımız var idi, tamamlamaqda çətinlik çəkdik. Qarşıda uzun yol var. Ruhdan düşməməliyik".
- Oyunda aqressivlik çatışmırdı. Sanki hamı istirahəti düşünürdü. Bunu hiss etdiz?
- Xeyr, kubokun yorğunluğu var idi. Futbolçularıma təşəkkür edirəm. Sona qədər dözdülər və intizamı qorudular.
- Yorğunluqdan fərqli olaraq, komandanın eyforiyaya qapıldığı hiss edilirdi...
- Kubokda nəsə əldə etməmişik. Sadəcə, çox güc sərf etdik. Bununla bağlı idi.
