"Rəqiblərimiz bizi “ev komandası” adlandırır" - "Zaqatala"nın baş məşqçisi
Birinci divizionda ilk yarıya yekun vuruldu.
Diqqəti çəkən qarşılaşmalardan biri də "Zaqatala" - "Araz Naxçıvan" oyunu idi. İlk hissədə Muxtar Respublika təmsilçisi erkən qol vurmaqla fasiləyə üstün yolandı. Lakin 2-ci yarıda meydan sahibləri əzmkarlıq göstərib 2 qol vurmaqla qələbə qazandı. Bununla da "Araz Naxçıvan" mövsümdə 2-ci məğlubiyyətini aldı.
Football-plus.az olaraq oyunla bağlı "Zaqatala"nın baş məşqçisi Rüstəm Məmmədovun fikirlərini öyrəndik:
"Araz Naxçıvan"la doğma publika önündə ən yaxşı oyunlarımızdan birini keçirdik. Həm oyun planında, həm nizam-intizam, həm də əzmkarlıq baxımından rəqibi üstələdik. Komandadan istədiyim də budu. Rəqib çempionatın ən yaxşı komandalarından biridi, maliyyəsi yaxşıdı, heyəti səviyyəli futbolçularla zəngindi. Amma həmin gün meydanda göstərdik ki, biz güclüyük. Evdə daha yaxşı çıxış edirik, hələ ki doğma publika önündə uduzmamışıq. Rəqiblərimiz bizi “ev komandası” adlandırır. Qarşıda fasilə var. İkinci yarıya daha yaxşı hazırlaşmağa çalışacağıq. Futbolçuları istirahətə buraxmışıq. Yanvarın 5-10 aralığında bir araya gələcəyik. Təlim-məşq toplanışını doğma rayonda keçirəcəyik. Ola bilər, yoldaşlıq oyunları üçün səfərlərə çıxaq. Hələ rəhbərliklə danışmamışıq. Büdcə imkan versə, bir neçə futbolçu transfer edib güclənmək istəyirik. Danışıq apardığımız oyunçular var. Transfer edə bilməsək, maksimum heyətimizi qorumağa çalışacağıq".
ABDULLA İSMAYILOĞLU
Digər xəbərlər
