İranlı futbolçu “Araz Naxçıvan”ı sevindirdi

Yeni mövsümdən 1-ci divizionda mübarizə aparacaq "Araz Naxçıvan" iyulun 4-də təlim-məşq toplanışına start vermişdi.

Football-plus.az xəbər verir ki, avqustun 6-dan isə hazırlıq Türkiyənin Ərzurum şəhərində davam etdirildi. Muxtar Respublika təmsilçisi son yoxlama matçını dünən keçirərək vətənə qayıdıb. Azər Bağırovun yetirmələri "Erbaaspor"a 2:1 hesabı ilə qalib gəlib. Qolları iranlı transfer Zöhrab Fəxrabadi vurub.

“Araz Naxçıvan” buna qədər keçirdiyi 4 oyunun 1-də qələbə qazanıb, 2-də heç-heçə edib, 1 dəfə uduzmuşdu.

ABDULLA İSMAYILOĞLU