FIFA millimizin futbolçusu Mahir Emrelini cəzalandırıb.

Football-plus.az xəbər verir ki, bunu 25 yaşlı hücumçunun sabiq klubu Polşa "Legiya"sının hüquqi və inzibati işlər üzrə direktoru Yakub Laskovski açıqlayıb. O, rəsmi “Tvitter” səhifəsində paylaşım edib.

Laskovski bildirib ki, Zaqreb “Dinamo”sunda çıxış edən Emreli Varşava təmsilçisi qarşısında maliyyə öhdəliklərini yerinə yetirmədiyi üçün diskvalifikasiya olunub.

Həmçinin FIFA Futbol Tribunalı Emrelinin "Legiya"ya 100 min avrodan çox pul qaytarmalı olduğunu açıqlayıb. Bildirilib ki, borcunu qaytaranadək onun futbolla bağlı bütün fəaliyyətinə qadağa qoyulub.