"Viktoriya" layiq olmadığı şəkildə qalib gəldi" - "Frayburq"un baş məşqçisi
Almaniyanın "Frayburq" klubunun baş məşqçisi Kristian Ştrayx Avropa Liqasının qrup mərhələsindəki rəqiblərindən biri olan "Qarabağ"ın bu mövsüm əslində UEFA Çempionlar Liqasının qrup mərhələsində oynamalı olduğunu söyləyib.
"Football-plus.az" xəbər verir ki, mütəxəssis bunun Azərbaycan çempionunun Çexiya "Viktoriya"sına qarşı keçirdiyi ÇL-in pley-off mərhələsindəki cavab oyunundan danışarkən deyib:“Mən "Qarabağ"ın "Viktoriya" ilə oyunlarına baxmışam. "Viktoriya" iki dəfə çərçivəyə zərbə vurdu və layiq olmadığı şəkildə 2:1 hesabı ilə qalib gəldi. Əks halda, "Qarabağ" Çempionlar Liqasında oynamalı idi".
