Van der Vaart “Barselona”nı “mafiya” adlandırdı
Frenki de Yonqun “Barselona”da düşdüyü vəziyyət Rafael van der Vaartı çox narahat edir.
Rəhbərlik gənc futbolçunu maaşının əhəmiyyətli dərəcədə azaldılmasına razı salmağa çalışır. Əks halda ona “Mançester Yunayted”ə satlacağı ilə təzyiq edir. Niderland yığmasının sabiq yarımmüdafiəçisi olan Van der Vaart həmyerlisini müdafiə etməyə çalışıb:
“Pulunuz yoxdusa, necə yeni oyunçular ala bilərsiniz? Bunun biabırçılıq olduğunu hesab edirəm. Hər yerdə gülümsəyən və özünü kral hesab edən Laporta da müsibətdi. Adamlarla “Barselona”nın Frenki de Yonqla davranışı kimi rəftar etmək olmaz. O, həddən artıq qazanır? Müqavilə bağlayarkən onu ya yerinə yetirirlər, ya da oyunçuya yaxşı şərtlərlə başqa kluba yollanmaq imkanı yaradırlar. Amma “Barselona”da belə etmirlər. “Barselona” mafiyadı və cəzasını almalıdı. Əlbəttə “Barselona” böyük klubdu, hamı orda oynamaq istəyir. Ancaq məlum səbəbdən bu klubu mühakimə edirik. Və indi “Barselona”da oynamağı biabırçılıq hesab edirəm”.
Digər xəbərlər
