"Kifayət qədər keyfiyyətli oyunçularımız var" - "Viktoriya"nın futbolçusu
"Qarabağ" Çempionlar Liqasının pley-off mərhələsində Plzen "Viktoriya"sı ilə qarşılaşacaq.
Ağdamlıların rəqibinin futbolçusu Tomas Xorıy Çexiya çempionatının 3-cü turunun "Qradets-Kralove"ya qarşı oyundan (2:1) sonra açıqlama verib. O, görüş barədə fikirlərini bölüşüb və komandanın durumunu dəyərləndirib:
"Çox çətin matç oldu. İlk hissədə yaxşı oynadıq, hətta qol da vurduq, lakin hissənin sonunda rəqibin bərabərlik qolu bizi bir qədər geri saldı. Sonra uzun müddət qol şansları əldə edə bilmədik. Davamlı təzyiq yaratdıq və yekunda qol vurduq. İndiyə qədər yaxşı hazırlaşırıq və irəliləyiş əldə edirik. Liqa və Avropa üçün əsas heyəti təşkil edəcək kifayət qədər keyfiyyətli oyunçularımız var. İnanıram ki, hər iki yarışa yaxşı hazırlaşmışıq”.
