"Onlar unutmamalıdı ki, bu hansısa komanda yox, adı-sanı olan "Neftçi"di" - Ağasəlim Mircavadov
“Neftçi” srağagün səfərdə "Rapid"ə uduzmaqla Konfrans Liqasına “əlvida” dedi.
Bununla yanaşı, bakılıların göstərdiyi məzmunsuz oyun da azarkeşləri məyus etdi. Flaqmanın avrokuboklarla vidalaşması ilə bağlı Ağasəlim Mircavadova müraciət etdik:"Aris"lə ilk oyun göstərdi ki, "Neftçi"də çoxlu problem var. Oyun ritmi yoxdu, ancaq futbolçular fərdi şəkildə oyunu üzərinə götürüb komandanı hərəkətə gətirir. Vyanda "Rapid" udmadı, "Neftçi" uduzdu. Avstriyalılar nə qədər istəkli, dominant futbol oynasalar da, hər iki qol öz səhvlərimizdən vuruldu. "Ağ-qaralar"da xətlərarası əlaqə olduqca zəifdi. Komanda müdafiədən bərbad çıxır, orta xətdə top saxlamağı bacarmır. Təbii ki, "Rapid" keçilməz rəqib deyildi, amma hər iki oyunda təşəbbüsü ələ almasına özümüz şərait yatatdıq. Bugünün acı reallığı odu ki, "Neftçi" heç ölkə çempionatına da hazır deyil. "Şamaxı" ilə səfər oyununu da izlədim. Bölgə təmsilçisi kasad heyətlə "Neftзi"ni üstələyirdi. Sadəcə, ani bir səhv etdilər və bundan yararlanan Emin Mahmudov komandasına qələbə qazandırdı. Başa düşürəm ki, “ağ-qaralar”da yeni baş məşqçi və ab-hava var. Zamana ehtiyac duyulur. Amma ölkənin futbol tarixində ilklərə imza atan komandanın belə biabırçı çıxışı xoş deyil. Rəhbərlik, baş məşqçi və başqa aidiyyatı şəxslər unutmamalıdı ki, bu hansısa komanda yox, adı-sanı olan "Neftçi"di. Hazırkı vəziyyət hamımızı məyus edir. Komanda avrokubokdakı kimi oynasa, ölkə зempionatında da tənəzzülə uğrayacaq. Amma necə deyərlər, ümid sonda ölür. İnanaq ki, bundan sonra komanda toparlanıb, ölkə çempionatında adına uyğun çıxış edəcək".
ABDULLA İSMAYILOĞLU
Digər xəbərlər
