“Ferentsvaroş”in yarımmüdafiəçisi Kristoffer Zakariassen ölkə çempionatının ilk turunda “Puşkaş Akademiya”sı üzərində qazandıqları qələbə (1:0) haqda danışıb.

Football-plus.az xəbər verir ki, 90+4-cü dəqiqədə vurduğu qolla komandasının qalibiyyət əldə etməsinə səbəb olan 28 yaşlı norveçli futbolçu Çempionlar Liqasının 3-cü təsnifat mərhələsində “Qarabağ”a qarşı keçirəcəkləri görüşlərdən də bəhs edib:

“Mövsümün ilk turunda güclü rəqibə qalib gəldik. Hazırda hər iki yarışda yaxşı yerdəyik. Hamı “Qarabağ”la oyuna hazırdı. Bilirik ki, çətin oyun olacaq. Lakin hər şey öz əlimizdədi. Oyunçular yaxşı formada olsalar, qələbə qazanmaq üçün şansımız olacaq. Çətin rəqiblə qarşılaşacağıq. 2 il əvvəl bu komanda haqqında bir az məlumat öyrənmişdim”.

“Qarabağ”ın “Ferentsvaroş”la ilk oyunu avqustun 3-də Bakıda, cavab matçı avqustun 9-da Budapeştdə baş tutacaq.