“Ferentsvaroş”un avqustun 6-da Macarıstan çempionatının 2-ci turunda “Zalaegerseq”lə keçirməli olduğu oyun təxirə salınıb.

Football-plus.az xəbər verir ki, buna səbəb "Qarabağ" olub. Budapeşt klubu Çempionlar Liqasının 3-cü təsnifat mərhələsində avqustun 3-də Bakıda Azərbaycan təmsilçisi ilə qarşılaşacaq. Yolun uzaq olduğunu nəzərə alan Macarıstan çempionunun rəhbərliyi yerli futbol federasiyasına çempionatdakı matçlarının təxirə salınması ilə bağlı müraciə edib. Qurum klubun bu istəyini nəzərə alıb.

Qeyd edək ki, Tofiq Bəhramov adına Respublika stadionunda keçiriləcək “Qarabağ” – “Ferentsvaroş” oyunu saat 20.00-da başlayacaq.