1 iyun – Uşaqların Beynəlxalq Müdafiəsi Günü ilə əlaqədar “Sumqayıt” növbəti layihəsini həyata keçirdi.

Belə ki, “Kapital Bank Arena” da 44 günlük Vətən müharibəsində şəhid olmuş qəhrəmanlarımızın övladları ilə görüş baş tutdu. “Sumqayıt”, “Azeri Express”, Abşeron-Xızı Regional Təhsil İdarəsinin təşkilatçılığı, “Fryday” restoranlar şəbəkəsinin dəstəyi ilə baş tutan tədbirdə 30-dan artıq şəhid və qazi övladları iştirak etdi. Azərbaycan Respublikasının Dövlət Himni və 1 dəqiqəlik sükutla start götürən tədbir müxtəlif çıxışlar və musiqili proqramla davam etdi. Görüşdə “Sumqayıt”ın prezidenti Riad Rəfiyev, “Azeri Express” şirkətinin rəhbəri Şaiq Qəribzadə, Abşeron Xızı Regional Təhsil İdarəsinin metodisti Cəmilə Fəyyaz, komandamızın futbolçuları Vüqar Bəybalayev, Dmitri Nağıyev və Süleyman Əhmədov da iştirak edib. Görüş zamanı tədbir iştirakçılarına “Sumqayıt”ın və “Azeri Express” şirkətinin hazırladığı xüsusi hədiyyələr təqdim edildi, daha sonra tədbir iştirakçılarına “Fryday” tərəfindən hazırlanmış yemək çeşidləri təqdim edildi. Sonda xatirə şəkli çəkdirildi.

RƏŞAD