Tərlan Quliyev oynamamasının səbəbini bilmir
Divizionun 18-ci turunda “Keşlə-2” səfərdə “Qarabağ-2”ni üstələyib (1:0). Qonaqların yeganə qolunu Tərlan Quliyev vurub.
“Qırmızı-ağlar”ın əsas komandasının oyunçusu və kapitanının hansı səbəbdən əvəzedici heyətdə çıxış etdiyi maraq doğurur. Belə ki, təcrübəli müdafiəçi artıq 3 oyundu “Keşlə”nin heyətində meydana çıxmayıb.
Bunun səbəbini Tərlanın özündən eşitmək qərarına gəldik: “Keşlə-2”nin heyətində qol vurduğuma görə çox sevinirəm. Qələbədə rolum böyük oldu. Çünki həmin oyundan sonra komanda turnir cədvəlində ikinci pilləyə yüksəldi. Əvəzedicilərdə oynayan futbolçuların hamısı döyüşkən, çalışqandı. Potensialı böyük olan futbolçular da var. Sadəcə, işləmək, əsas komandaya çıxmaları üçün kömək etmək lazımdı. 5-10 dəqiqə belə oynasalar, onlar üçün inkişaf deməkdi. “Keşlə-2”də gedib oynamağı özüm istəmişdim. Dediyiniz kimi, əsas heyətdə yer almıram. Səbəbini heç özüm də bilmirəm. Bunu məşqçilərdən də soruşmamışam. Nə oldusa, “Neftçi”yə uduzğumuz oyundan (1:3) sonra oldu. Artıq 3 görüşdü əsas heyətdə yer almıram. Səbəb müəmmalıdı. Bunu böyük bir problem kimi də görmürəm, normal qarşılayıram. Sadəcə, bir şeyi bilirəm ki, nə vaxt start heyətində oynamışamsa, yüz faiz gücümü meydanda qoymuşam”.
GÜNAY VƏLİYEVA
Digər xəbərlər
