Sənan Qurbanov Tərlan Quliyevə niyə şans vermir? - ÖZÜ AÇIQLADI
Divizionun 18-ci turunda “Keşlə-2” səfərdə “Qarabağ-2”ni üstələyib (1:0).
Qonaqların qolunu Tərlan Quliyev vurub.
“Qırmızı-ağlar”ın əsas komandasının oyunçusu və kapitanının hansı səbəbdən əvəzedici heyətdə çıxış etdiyini, əsas komandada şans qazana bilmədiyini futbolçudan soruşduq. O, bunun səbəbini bilmədiyini dedi. Ona görə də sualımızı klubun baş məşqçisi Sənan Qurbanova ünvanladıq. Mütəxəssis "Football.plus.az" saytına bunları dedi:"Tərlan bizim komandanın üzvüdü. Meydanda olduğu təqdirdə, bilirsiz ki, kapitandı. Əslində elə bir səbəb yoxdu. Hazırda müdafiənin mərkəzində Şəhriyarla Franko oynayır. Bundan sonra necə olacaq, bunu demək olmur. Fasilədən sonra məşqləri bərpa edəcəyik. İstəyirik ki, komandada rəqabət olsun. Tərlan inandığım oyunçudu. O da rəqabətdə var və iştirak edir. Məşqlərdə özünü göstərməyə çalışır. Tərlan vacib futbolçudu. Qarşıdakı matçlarda necə olacağı futbolçuların özlərindən asılıdı. Əvəzedicilərdə oynaması barədə isə bunu deyə bilərəm ki, oyun praktikasından əziyyət çəkməsin deyə belə addım atdıq. Özü də oynamaq istəyirdi. Qarşıda çox oyunlar var. Hər kəs kimi Tərlan da forma şansı qazana bilər".
GÜNAY VƏLİYEVA
