“Dinamo” xeyriyyə oyunları keçirəcək
Rusiya - Ukrayna müharibəsində zərər görən ukraynalılara kömək məqsədi ilə aksiya keçiriləcək.
Kiyev “Dinamo”su xeyriyyə məqsədi ilə Avropa turnesinə çıxacaq. Məlumatı Ukrayna klubunun rumıniyalı baş məşqçisi Mirça Luçesku təsdiqləyib. Qeyd edək ki, hazırda Rumıniyada təlim-məşq toplanışında olan “Dinamo” aprel-iyun aralığında Avropa klubları ilə bir sıra yoxlama oyuları keçirəcək. Artıq xeyriyyə xarakterli aksiyada Dortmund “Borussiya”sı (Almaniya) , PSJ (Fransa), “Styaua” (Rumıniya), “Qalatasaray” (Türkiyə), “Barselona” (İspaniya), “Milan” (İtaliya), “Legiya” (Polşa), “Benfika”, “Sportinq” (hər ikisi Portuqaliya), “Ayaks” (Niderland) və “Bazel”in (İsveçrə) iştirak edəcəyi məlumdu. Ukraynanın son çempionu ilə oyunlar “Sülh üçün oyun” şüarı altında təşkil olunacaq. “Qalatasaray”la “Dinamo” arasındakı yoldaşlıq görüşü aprelin 14-də İstanbulda keçiriləcək.
Ukrayna klubunun bəyanatında belə deyilir:
“Dinamo” Ukrayna xalqının sülhə və azadlığa can atdığını dünyaya nümayiş etdirəcək. Bütün yoldaşlıq matçları Ukrayna və Avropa ölkələrinin telekanalları ilə yayınlanacaq. Aksiyaya klubumuzun xeyriyyə missiyasını dəstəkləyəcək Ukrayna incəsənətinin ulduzları da cəlb olunacaq”.
Digər xəbərlər
