Azərbaycanlı güləşçi dünya çempionu oldu

Bolqarıstanın Plovdiv şəhərində keçirilən U-23 Avropa çempionatı davam edir.

"Football-plus.az" saytının məlumatına görə, yunan-Roma güləşimiz Nihat Məmmədli final görüşünə çıxıb. 60 kq çəki dərəcəsində rəqib gürcüstanlı İrakli Dzimistraişvili olub.

Rəqibinə ilk hissədəcə tam üstünlüklə - 10:0 hesabı ilə qalib gələn Məmmədli fəxri kürsünün ən yüksək pilləsinə qalxıb.

Qeyd edək ki, daha əvvəl Azərbaycanın yunan-Roma güləşçilərindən Xasay Həsənli (77 kq) Avropa çempionu olub, Ziya Babaşov (63 kq) gümüş, Laçın Vəliyev (87 kq) və Sərxan Məmmədov (130 kq) isə bürünc medal qazanıblar.