“Üçhəftəlik baxışa gəliblər. Artıq iki həftə geridə qalıb. Yekun qərar hələ verilməyib. Bu həftə ölkələrinə qayıdacaqlar. Lazım olacağı təqdirdə onları yayda çağıracağıq. U-19 komandamızın heyətində oynamaq ehtimalları var. Hələ tələsmirik. Kaliforniyada yaşayan, ABŞ vətəndaşı olan futbolçu Altay Ordubadi də düşərgəmizdədi. O, əvəzedici heyətdə çıxış edə bilər. Bir müddət seleksiya səfəri gözlənilmir. İlboyu axtarışda oluruq. Bu arada nigeriyalı futbolçulara görə hansısa xərcimiz çıxmayıb. Çünki bizi Nigeriyadan dəvət etmişdilər. Bütün məsrəfləri də özləri qarşılayıblar”.

“Bəli, baxışda olan futbolçular düşərgədən ayrıldılar, ölkələrinə yollandılar. Hər biri haqda müsbət fikirdəyik. Ancaq hələ yekun qərar verə bilməmişik. Çünki onların 19 yaşı var. Gələn mövsüm ancaq əvəzediilər liqasında çıxış edə biləcəklər. İş ondadı ki, bu çempionatın davam edib-etməyəcəyi, ümumiyyətlə, reqlamenti hələ bəlli deyil. Kəsəsi, yarışla bağlı qərarı gözləyirik ki, buna uyğun işlər görək. O başqa məsələ ki, həmin vaxta qədər daha çox potensialı olan futbolçular tapsaq, yeni oyunçularla danışıqlara başlayacağıq. Ümumiyyətlə, əvəzedicilər liqasıyla bağlı bütün suallara aydınlıq gələndən sonra bir-iki legionerlə müqavilə imzalamaq niyyətimiz var”.

“Onlarla bağlı durum da oxşardı. Həmin oyunçuları “Qarabağ”ın U-19 komandasının Gənclər Liqasında daha sərfəli nəticələr qazanması üçün gətirmişdik. Dediyiniz kimi, müqavilənin müddətini artırmaq imkanımız var. Lakin hələ gözləmə mövqeyindəyik. Hələ komandadılar”.