Avroliqa klubları MBA-nın təklifindən imtina etdi

Basketbol üzrə Avroliqada çıxış edən klubların sahibləri MBA-nın bu qurumu satın almaqla bağlı təklifini geri çevirib.

"Football-plus.az" xəbər verir ki, bununla bağlı xəbəri İtaliyanın “La Gazzetta dello Sport” nəşri yayıb.

Avroliqanın qapalı iclası oktyabrın 5-də Komo gölünün yaxınlığındakı villada keçirilib. Adı çəkilən qaynaq iddia edir ki, MBA-nın təklifi klub rəhbərlərini razı salmayıb. Bununla belə, tərəflərin müzakirələri davam etdirməsi gözlənilir. Mümkün sövdələşmənin şərtləri açıqlanmayıb. SDNA isə xəbər verir ki, MBA-nın təklifi bütün iştirakçılar tərəfindən rədd olunub. Avroliqa həmçinin sıralarını daha 8 klub hesabına genişləndirəm planını müvəqqəti dayandırıb. Hazırda bu turnirdə 20 komanda çıxış edir.

Xatırladaq ki, bir müddət əvvəl MBA komissarı Adam Silver 2027-ci və ya 2028-ci ildə Avropa divizionunu işə salmaqla bağlı planı təsdiqləmişdi. Ötən ilin martında isə MBA və FİBA Avropada Avroliqa ilə rəqabət aparmalı olan yeni peşəkar liqanın yaradılmasının mümkünlüyünü nəzərdən keçirməyə başlayıb.