Bəs, bunun səbəbi nədi? Oyuna maraq niyə istənilən səviyyədə olmadı? Klub belə mənzərəni necə izah edir?
Bu suallarla “Sabah”ın mətbuat xidmətinin rəhbəri Elnur Həmidova müraciət etdik. Onun “Football-plus.az”a cavabı:
“Ümumi azarkeş sayını dəyərləndirərkən təkcə oyuna gələn azarkeşlərin sayını yox, həm də stadionun tutumunu nəzərə almaq lazımdı. “Bank Respublika Arena”nın tutumu 8700 yerlikdi. Oyuna 7000-dən çox azarkeş gəlmişdi ki, bu da arenanın tutumunun təxminən 80 faizi deməkdi. Fikrimcə, dünən stadionda əsl futbol atmosferi var idi. Stadiona gələrək komandamızı dəstəkləyən hər bir azarkeşə təşəkkür edirik. O ki qaldı stadionun tam dolmasına, fikrimcə, qarşıdakı oyunlarda bu istiqamətdə də irəliləyiş görəcəyik”.
Maraq üçün xatırladaq ki, “bayquşlar”ın ötən mövsüm ölkə kubokunun yarımfinalında “Qarabağ”a qarşı keçirdiyi cavab oyununda 8730 azarkeş iştirak edib.
KƏNAN BAHADIR
