“UEFA pley-off mərhələsinə kimi yayının təşkili ilə bağlı bütün məsələləri klubların öhdəsinə buraxır. Yəni klublar bu mənada sərbəst qərar vermək hüququna malikdi. Məsələn, hansısa klub ev oyununu satmaq istəyir. Və buna görə istədiyi məbləği söyləyə bilər. Bir çoxları yayının barter olunmasının tərəfdarıdı. Yəni hər şey danışıqlardan asılıdı. Amma Azərbaycan adını eşidən elə ölkələr var ki, bəzən bazar qiymətindən qat-qat yuxarı məbləğ söyləyirlər. Belə olan halda sən qarşı tərəfə heç bir təzyiq edə bilmirsən. Bu məbləği ödəmək isə bir oyun üçün imkanlar daxilində deyil. Üstəlik yayının keyfiyyətinə zəmanət verən də olmur. Əməkdaşlıq etdiyimiz bütün klublara bəribaşdan demişik ki, “CBC Sport” yayını təşkil edir. Cavab oyunu ilə bağlı qarşı tərəfə siqnalların barter olunmasını təklif edirik. Qarşı tərəf bununla razı deyilsə, öz komandalarımızla əlaqə saxlayıb, bu haqda məlumat veririk. Daha sonra vəziyyətdən birgə çıxış yolu axtarırıq. Hazırda danışıqlar davam edir”.