Ukraynalı peşəkar boksçu Aleksandr Usik MMA tarixinin ən yaxşı döyüşçüsü kimi sabiq UFC çempionu Həbib Nurməhəmmədovun adını çəkib.

"Football-plus.az" xəbər verir ki, boksçu müxtəlif idman növləri üzrə ən yaxşı idmançıların seçildiyi müsahibədə MMA ilə bağlı suala cavab verərkən belə seçim edib.

Xatırladaq ki, Həbib son döyüşünü 2020-ci ilin payızında keçirib. O, UFC turnirində amerikalı Castin Qetji üzərində qələbə qazanandan sonra peşəkar karyerasını başa vurduğunu açıqlayıb. Rusiyalı idmançı bu qərarını atasının vəfatından sonra anasına verdiyi sözlə əlaqələndirib.

Karyerasını başa vurandan sonra Həbib özünün MMA promouşn təşkilatı olan "Eagle FC"ni yaradıb.
Usik isə peşəkar boksda məğlubiyyətsiz irəliləyir. O, həm birinci ağır çəkidə, həm də ağır çəkidə çıxış edib. Buna qədər isə Olimpiada-2012-nin qalibi olub.