“Düşünürəm ki, boksda ilyarımım və ya iki ilim qalıb” - Usik iki döyüş keçirəndən sonra gedir...
Boks üzrə ağır çəkidə dünya çempionu Aleksandr Usik növbəti dəfə karyerasını nə vaxt bitirəcəyi ilə bağlı danışıb.
"Football-plus.az" xəbər verir ki, ukraynalı əfsanə cəmi iki döyüşdən sonra oktaqondan ayrılmağı planlaşdırır.
Xatırladaq ki, Usik dekabrın 21-dən 22-nə keçən gecə Ər-Riyadda keçirilən əvəzçıxma görüşündə də qalib gəlməklə WBA, IBО, WBO və WBC versiyaları üzrə dünya çempionu titulunu qoruyub:
“Cozef Parker – Daniel Dyubua görüşünün qalibi ilə döyüşmək istəyirəm, problem yoxdu. Düşünürəm ki, boksda ilyarımım və ya iki ilim qalıb. Özümü əla hiss edirəm. Hesab edirəm ki, daha iki döyüşə hazırlaşmaq lazımdı. Yalnız iki. Ondan sonra bitirəcəm”.
Parker – Dyubua döyüşü fevralın 22-də Səudiyyə Ərəbistanında keçiriləcək. 38 yaşlı Usik indiyə qədər peşəkar karyerasında 23 döyüş keçirib və bunların hamısında qalib gəlib.
Digər xəbərlər
