Türkiyə çempionatında mövsümü 6-cı pillədə bitirən və son anda avrokuboklara zonasından kənar qalan ''Göztəpə'' azarkeş dəstəyi ilə diqqət çəkib.

"Football-plus.az" xəbər verir ki, İzmir təmsilçisi bu göstəricidə hətta İstanbul nəhənglərini də üstələməyi bacarıb.

Belə ki, mövsümboyu ''Gürsel Aksel'' stadionunda orta hesabla 78,5 faiz doluluq səviyyəsi qeydə alındı. Bu arenanın tutumu mövsümün əvvəlindəki yenidənqurma işlərindən sonra 23767-yə çatdırıldı. Orta hesabla hər ev oyununa 18363 azarkeş gəldi. Bu göstəricidə ikinci pillədə ''Qalatasaray'' qərarlaşıb. İstanbul nəhənginin ev oyunlarını keçirdiyi ''Rams Park'' 53978 yerlikdi. Orta hesabla hər ev oyununa 41661 azarkeş gəldi. Bu da o deməkdi ki, stadion mövsümboyu 77,1 faiz doluluq səviyyəsi yaxaladı.

47430 yerlik ''Çobani'' stadionu isə orta hesabla hər oyuna 33934 azarkeş topladı. Yəni ''Fənərbaxça''nın arenası 71,55 doluluq faizi ilə 3-cü pillədə qərarlaşdı. 4-cü pillə ''Beşiktaş''a (65,98 faiz), 5-ci pillə ''Trabzonspor''a (65,83) qismət oldu. Bu göstəricidə sonuncu pillədə isə ''İstanbul BŞ'' qərarlaşdı. Mövsümü ''Göztəpə''nin önündə - 5-ci pillədə tamamlayan başakşəhərlilərin ev oyunlarını keçirdiyi Fatih Terim stadionu cəmi 24,46 faiz doluluq yaxaladı.