“Neftçi” Misli premyer-liqasının 21-ci turundan təxirə salınan oyunda “Qarabağ”ı məğlub etdi.

Oyunsonrası mətbuat konfransında Yuri Vernidub media önünə çıxdı.

- “Neftçi” azarkeşlərini təbrik edirəm. Çox önəmli qələbədi bizim üçün. Son oyuna görə də bir daha üzr istəyirəm. “Neftçi” elə komandadı ki, eyni səviyyədə oynamalıydı, amma alınmamışdı. Bundan nəticə çıxardıq. Pis olmadı. Hər kəsi təbrik edirəm. Sizdən bir xahişim olacaq: bu gün olarmı sual verməyəsiz? Bir az rahatlaşmaq istəyirəm. Bu hörmətsizlik göstəricisi deyil. Sizə hörmətlə yanaşıram. Gözəl suallar verirsiz, sevinirəm və səmimi cavab verirəm. Bu oyun məni emosional cəhətdən elə yordu ki, suyumu çıxardı. Oyun necə olsa da, növbəti matçdan sonra bütün suallarınızı cavablayacam.

MÜZƏFFƏR QULUZADƏ