Misli premyer-liqasının 28-ci turunda “Zirə” evdə “Neftçi” ilə heç-heçə etdi - 1:1.

“Football-plus.az” xəbər verir ki, oyunsonrası mətbuat konfransında Rəşad Sadıqov media önünə çıxıb.

- Maraqlı və gərgin oyun oldu. Oyun bizim üçün pis başladı. 15-20-ci dəqiqədə vəziyyəti bərabərləşdirdik. Yaxşı oynadığımız dəqiqələrdə qol buraxdıq. Möhtəşəm reaksiya göstərdik. Son dəqiqələrdə qol vurmaq önəmli idi. Mənim üçün qürurverici idi. Oyundan sonra “Neftçi” futbolçularından üzr istədim. Epizodu görmədim. Amma bildirdilər ki, Konate onların ehtiyat skamyasının yanında qolu aşkar şəkildə qeyd edib. "Neftçi" çox yaxşı münasibətlərimiz olan klubdu. Fürsətdən istifadə edib baş verənlərə görə bir daha "Neftçi"dən üzr istəyirəm.

- Qol və qoldan sonra yaşananlarla bağlı fikirləriniz maraqlı idi.
- Orda nə baş verdiyini görmədim. Deyilənə görə, Konate ehtiyat oyunçuların qarşısında qolu qeyd edib. Mən də arxaya dönmüşdüm. Nə baş verdiyini görmədim. Sevincə görə futbolçular etiraz edirdilər. Qola gəlincə, bilmirəm, ofsayd idi, ya yox...

MÜZƏFFƏR QULUZADƏ