''Samsunspor''u Avropaya daşıyan almaniyalı məşqçi: ''Türkiyədə mənim söz haqqım yox idi''
''Samsunspor''un başında qazandığı uğurlu nəticələrlə diqqət çəkən, klubu uzun fasilədən sonra ilk dəfə avrokuboklara daşıyan, amma nəticələr düzəlmədiyi üçün fevralın ortalarında istefaya göndərilən almaniyalı Tomas Rays son açıqlaması ilə diqqət çəkib.
"Football-plus.az" xəbər verir ki, 52 yaşlı mütəxəssis Almaniya ilə Türkiyədə məşqçi kimi çalışmağın fərqlərindən danışarkən bunları deyib:
''Türkiyə ilə Almaniyanı bu cəhətdən müqayisə etməyə belə dəyməz. Türkiyədə bir məşqçi kimi mənim heç bir söz haqqım yox idi. Orda bir prezident var idi və hər şeyə özü nəzarət edirdi. Həmin prezident ''al, bu sənin heyətin, başla işə'' deyirdi. Transfer dönəmində mən hər hansı bir oyunçunun alınmasını istəməsəm belə, həmin futbolçu alınırdı və onunla işləmək məcburiyyətində qalırdım''.
Qeyd edək ki, ''Samsunspor''un prezidenti Türkiyənin önəmli iş adamlarından olan Yüksəl Yıldırımdı. Samsunluların başında 72 oyundan 33 qələbə, 18 heç-heçə, 21 məğlubiyyətlə ayrılan Rays Türkiyədən ayrıldıqdan bu yana işsizdi. Hazırda ''Samsunspor''u digər almaniyalı Torsten Fink çalışdırır.
Digər xəbərlər
