''2023-ün sonlarına yaxın ''Beşiktaş''dan rəsmi təklif aldım. O dönəm başqanın köməkçisi işləyən şəxs mənə zəng vurdu. İsrarla təklifi qəbul etməyimi istəyirdilər. ''Hoffenhaym''dan yeni ayrılmışdım və işsiz idim. ''Beşiktaş'' kimi ənənələri olan böyük klubda çalışmaq mənim üçün qürur mənbəyi olardı. Amma qarşıdan prezident seçkiləri gəlirdi. Bir qədər qarışıq durum yaranmışdı. Ona görə də təklifi qəbul etmək üçün doğru zaman deyildi və anlaşa bilmədik. Son illərdə Türkiyə klublarından bir çox təkliflər almışam. Bu mövsümün əvvəlində iki klub mənimlə əlaqə saxlamışdı. Bu yaxınlarda başqa bir klubdan zəng vurub maraqlananlar olmuşdu. Türkiyə çempionatı almaniyalı məşqçilər və mənim üçün həyəcanverici bir seçimdi. Sadəcə doğru zamanda doğru təklifi almaq önəmlidi. Türkiyə çempionatını yaxından təqib edirəm. Almaniyalı məşqçilər orda önəmli işlər görür. Tomas Rays ''Samsunspor''u Avropaya daşıyıb və Konfrans Liqasında uğurlu nəticələr əldə edir. Domeniko Tedesko çox xaotik bir dönəmdə ''Fənərbaxça''nın başına keçdi. Buna baxmayaraq məğlubedilməz bir komanda yaradıb. Hər iki məşqçi də işinin öhdəsindən əla gəlir. Yaxın keçmişdə Markus Gisdol da ''Samsunspor''da iz buraxmışdı. Almaniyalı məşqçilər öz ideyaları və sistemləri ilə Türkiyədə fərq yarada bilirlər. Bunu artıq sübut ediblər''.