Bruno Fernandeşin hazırkı klubunda daha uzun müddət oynamaq şansı var.

"Football-plus.az" xəbər verir ki, “Mançester Yunayted” rəhbərliyi ona yeni müqavilə təklif etməyə hazırlaşır.

“The Mirror” nəşrinin yaydığı məlumata görə, yeni sözləşməyə əsasən, portuqaliyalı yarımmüdafiəçinin həftəlik məvacibi 400 min funt sterlinqə qədər yüksələ bilər. Bununla yanaşı, Fernandeşin komandada qalıb-qalmayacağı ilə bağlı yekun qərarın klubun mövsümün sonunda Çempionlar Liqasına vəsiqə qazanmasından asılı olacağı da bildirilir.

Xatırladaq ki, MY cari mövsümdə avrokuboklarda iştirak etmir. Bruno bu mövsüm bütün turnirlərdə meydana çıxdığı 28 matçda 7 qol və 15 məhsuldar ötürmə ilə yadda qalıb.