“Araz-Naxçıvan”ın Misli premyer-liqasının 20-ci turunda “Sumqayıt”ı məğlub etdi - 1:0.

"Football-plus.az" xəbər verir ki, "qırmızı-ağlar"ın baş məşqçisi Andrey Demçenko oyunsonrası mətbuat konfransında jurnalistlərin suallarını cavablandırdı.

- Yaxşı oynadıq və istədiyimiz üç xalı qazandıq. Futbolçularım döyüşürdü, qələbə üçün hər şeyi etdi. Görmək istədiklərimizi gördük, futbolçuların istəyi var idi. Öyrənməli olduğumuz nüanslar var. İşləməliyik. Futbolçulara təşəkkürümü etdim. Aydındı ki, hamı bu gün can yandırdı.

- Sizin üçün daha önəmli olan bir qələbə ilə futbolçuların psixolojini durumunu düzəltməkdi, yoxsa istənilən halda oyun sisteminizi qəbullandırmaq üçün zamana daha çox ehtiyac var?
- Sistem üzərində çalışırıq. Vacib olan odu ki, futbolçularda istək gördük. Hamısı motivasiyalıdı, özgüvənləri yerindədi.