Deyəsən Türkiyə yığmasının üzvü Zəki Çəlik bu yay klubunu dəyişəcək.

"Football-plus.az" xəbər verir ki, Zəki 2022-dən bu yana ''Roma''nın şərəfini qoruyur və İtaliyada artıq 4-cü mövsümünü keçirir.

Fevralın 17-də 29 yaşı tamam olacaq sağ müdafiəçinin ''canavarlar''la müqavilə müddəti mövsümün sonunda başa çatacaq. Amma tərəflər arasında hələ də yeni anlaşma əldə olunmayıb.

İddialara inansaq, hazırda illik 2,5 milyon avro qazanan türkiyəli ulduz yeni müqavilə ilə illik 3,5-4 milyon avro maaş tələb edir. Bu isə ''Roma'' rəhbərliyini qane etmir. Ona görə də bu gedişlə Zəkinin İtaliyanın paytaxtını tərk etmək ehtimalı orda qalmaq ehtimalından daha yüksəkdi. Özü də ona İtaliya nəhənglərinin ciddi marağı var.

''Tuttosport''un yazdığına görə, ''Yuventus'' və ''İnter'' bu futbolçunun xidmətində maraqlıdı. Xüsusilə Milan nəhənginin daha çox fəallıq göstərdiyi bildirilir. Zəki Türkiyədə yetişən və Türkiyə çempionatında oynamadan birbaşa Avropaya yollanan nadir futbolçulardan biridi. O, hələ 2018-də 1-ci liqa təmsilçisi ''İstanbulspor''dan ''Lill''ə yollanaraq burda Fransa çempionluğunu qazanmışdı.

4 il öncə 7,4 milyon avroya transfer olunduğu ''Roma''da o, cari mövsümdə 30 rəsmi oyuna çıxaraq aktivinə 1 qol, 4 məhsuldar ötürmə yazıb. ''Transfermarkt''a inansaq, Zəkinin dəyəri 12 milyon avro civarındadı.