Elgiz Kərəmli Amil Yunanova cavab verdi: “Düzgün qərarlar verdiyimiz üçün hazırda liderik”
Sizi “Şəfa”dan ayrılan Amil Yunanovun saytımıza verdiyi açıqlamayla tanış etmişik.
Xatırladaq ki, “Mingəçevir”ə transfer olunan futbolçu sabiq komandasından ayrılmasının səbəbini ona haqsızlıq edilməsiylə əsaslandırıb. O, 1-ci liqa komandasında şans qazana bilməyəcək oyunçu olmadığını, burda başqa səbəblərin olduğunu deyib. Paytaxt təmsilçisinin baş məşqçisi Elgiz Kərəmli isə bu ayrılığı Yunanovun performansının məşqçilər korpusunu qane etməməsiylə əlaqələndirmişdi.
Maraqlıdı, bəs, mütəxəssisin Amilin iddialarıyla bağlı mövqeyi necədi?
Bu sualla yenidən Elgiz bəyə müraciət etdik. Onun “Football-plus.az”a cavabı:
“Biz meydana tam hazır vəziyyətdə olan futbolçuları çıxarırıq. Məncə, düzgün qərarlar verdiyimiz üçün hazırda liderik”.
Qeyd edək ki, “Şəfa” Amillə yanaşı, Amir Ebrahimzadə, Ədilxan Qarəhmədov və Seymur Rəhimov ilə də vidalaşıb.KƏNAN BAHADIR
Digər xəbərlər
