“Qarabağ”ın oyunçu-məşqçi heyəti, xüsusən də Qurban Qurbanov bir məqamın üzərində xüsusi dayanmalıdı.

Çempionlar Liqasındakı növbəti rəqibin – “Ayntraxt”ın son dəqiqə kompleksi var. “Football-plus.az” frankfurtluların Dortmund “Borussiya”sı ilə oyunda qələbəni 90+6-cı dəqiqədə buraxılan qolla əldən verdiyini (3:3) yazmışdı. “Ayntraxt” 1-ci bundesliqanın dünən keçirilən 17-ci tur oyununda da eyni aqibəti yaşayıb. Sadəcə, bu dəfə qələbə yox, heç-heçə əldən verilib.

“Ştutqart”ın qonağı olan Dino Topmöllerin komandası məğlubiyyəti şərtləndirən qolu 87-ci dəqiqədə buraxıb – 2:3. Halbuki oyunda hesabı məhz frankfurtlular açmışdı. “Ayntraxt”ın Bakıya səfər ərəfəsində daha bir oyun keçirəcəyini də xatırladaq. “Qartallar” yanvarın yanvarın 16-da “Verder”in qonağı olacaq. Onlar hazırda 26 xalla 7-ci pillədə qərarlaşıb.

ORXAN