FİFA illik “The Best” mükafatının təqdimatını dayandıracaq. Ali futbol təşkilatı Dubay İdman Şurası ilə əməkdaşlıq çərçivəsində yeni mükafat təsis edəcəyini açıqlayıb.

"Football-plus.az" xəbər verir ki, bu barədə FİFA-nın rəsmi saytı məlumat yayıb. Qurumun prezidenti Canni İnfantino mövzu ilə bağlı belə deyib: “Dubayla əməkdaşlıq etməkdən məmnunuq. Bu yeni mükafat təkcə təltifat mərasimi olmayacaq, həm də futbolu və ilin ən yaxşı oyunçularını sahədə və sahədən kənarda qeyd etməyin innovativ yolu olacaq”.

Əməkdaşlıq memorandumu Dubayda keçirilən Ümumdünya İdman Sammiti zamanı imzalanıb. FİFA çərçivəsində hər il ən yaxşı futbolçular və futbol xadimləri təltif olunacaq və yeni mükafat FİFA-nın yeganə rəsmi mükafatı olacaq. İlk təltifat mərasimi bu il keçiriləcək.

Xatırladaq ki, PSJ-nin hücumçusu Usman Dembele sonuncu “The Best” mükafatının sahibi kimi 2025-ci ildə dünyanın ən yaxşı futbolçusu olub.