''2023-də ''Beşiktaş''la da müəyyən danışıqlar aparmışdım. Ancaq onlarla görüşərkən artıq ''Fənərbaxça'' ilə anlaşmışdım. Sadəcə bu məqam mətbuata sızmamışdı. Bunun da sayəsində hər şey gizli qalmışdı. Menecerim mənə birmənalı şəkildə ''Fənər''ə yollanmağı məsləhət gördü. Bəhanələr axtarmağı sevmirəm. Amma 99 xal topladığımız mövsümdə əlimizdən gələn hər şeyi etdiyimizi hamı gördü. Həmin il çempion olmalı idik. Çünki demək olar, bütün önəmli qarşılaşmalarda qalib gəlmişdik. ''Fənərbaxça'' ilə vida mərasimimin yeməkxanada baş tutması mənim üçün problem deyil. Çünki biz Ceko ilə birlikdə son oyuna çıxmamağa qərar vermişdik. Artıq acı verici bir durum yaranmışdı. Biz oynamaq istəməsək də, klub son olaraq bizə vida hədiyyəsi vermək istədi. Əslində bunu oyundan öncə və ya məşq meydançasında da edə bilərdik. Amma mənim üçün problem yoxdu. ''Fənər''ə böyük hörmətim var. Orda bazaya nəzarət edən şəxsdən tutmuş prezidentə qədər hər kəslə münasibətlərim yaxşı idi. Orda keçirdiyim dönəmlə bağlı yalnız xoş xatirələrim qalıb. Bu cür böyük klubun bir parçası olmaq qürurvericidi. ''Fənər''ə bir gün məşqçi kimi qayıda bilərəmmi? Yaşayıb görəcəyik. Oynadığın klubda həm də baş məşqçi olmaq gözəl bir hissdi. Karyeramı tamamladıqdan sonra böyük ehtimalla məşqçiliyə başlayacam. Gələcəkdə bunun üzərində düşünə bilərəm. Çünki titullar qazanmaq istəyirəm. ''Fənərbaxça'' niyə də olmasın?''