“Ən ideal baş məşqçi Murad Musayev idi” - Mahmud Qurbanov
28 turdan sonra 32 xal toplayan “Sabah”da qeyri-sabitlik davam edir.
Baş məşqçi postunda Krunoslav Renduliçi əvəz edən Vasili Berezutskinin komandaya nəsə qazandırdığını demək çətindi. “Bayquşlar” indi yalnız ölkə kubokuna, daha dəqiqi, məhz bu turnirini qalibi olmaqla avrokuboklara vəsiqə qazanmağa bağlayıb.
Berezutski komandanı avrokuboklara çıxara bilməyəcəkdisə, mövsümün ortasında niyə gətirildi?
“Football-plus.az” Mahmud Qurbanovun bu suala cavabını öyrənib:
“Məncə, “Sabah”a gələn ən ideal legioner məşqçi Murad Musayev idi. Daha yaxşı görünürdülər, rahat oynayırdılar. Berezutskini gətirəndə qarşısına hansı məqsəd qoyduqlarını bilmirəm. Hədəf avrokuboklara vəsiqədisə, çempionat yolu ilə çətindi, demək olar ki, şansları yoxdu. Kubokda necə oynayacaqlarını da demək çətindi. Ordan da avrokuboklara vəsiqə qazanmasalar…”
MÜZƏFFƏR QULUZADƏ
Digər xəbərlər
