MY-nin basketbol komandası da olacaq!
“Mançester Yunayted” rəhbərliyi MBA-nın Avropada yaradacağı yeni liqaya komanda buraxmağı planlaşdırır.
"Football-plus.az" xəbər verir ki, bu maraqlı xəbəri İtaliya basketbol federasiyasının prezidenti Canni Petruççi “Corriere dello Sport”a açıqlayıb:
“MBA-nın yeni liqası rəqabətədavamlığı artıracaq və kadr ehtiyatını genişləndirməyə imkan verəcək. Dünyanın ən populyar futbol klubu olan “Mançester Yunayted” iştiraka razılıq veribsə, deməli, bunun bir səbəbi var”.
Xatırladaq ki, bir müddət əvvəl MBA və Beynəlxalq Basketbol Federasiyası (FİBA) rəsmi şəkildə Avropada Avroliqaya alternativ ola biləcək yeni peşəkar basketbol liqasını yaratmaq imkanını nəzərdən keçirdiklərini açıqlayıblar. Yeni liqada oyunlar 40 dəqiqədən ibarət olacaq, yarış Amerika yox, Avropa formatına uyğun keçiriləcək. Liqada 16 komandanın iştirakı planlaşdırılır.
Digər xəbərlər
