Şamaxı – İmişli 1:0 (0:0)
1. Rikardo Fernandes – 5,5
82. Rüfət Abbasov – 5,5
44. David Santos – 5,5
3. Vladislav Veremeyev – 5,5
4. Sezar Enrike – 5,5
17. Rafael Məhərrəmli (k) – 6,0
(6. Antonio Lara, 90+1) – qiymətsiz
97. Oruc Məmmədov – 5,5
(5. Arsen Ağcabəyov, 86) – qiymətsiz
7. Edqar Adilxanov – 5,0
(80. Həbib İsmayılov, 68) – 5,0
13. Rikardo Apolinario – 5,5
11. Dioqo Balau – 5,5
9. Karim Rossi – 6,5
Ehtiyat oyunçular
62. Abdulla Seydəhmədov
99. Səlim Həşimov
21. Bilal İsmayılov
27. Emil Süleymanov
77. Nihat Mehralıyev
14. Ravil Qafarov
24. Sənan Muradlı
90. Davud Mənsumov
Baş məşqçi: Ayxan Abbasov
Komandanın ən yaxşısı: Karim Rossi

33. Andrey Sinenka – 5,5
19. Azər Salahlı (k) – 5,0
29. Edvin Banquera – 5,0
14. Ronaldo Rodriges – 5,0
23. Dioqo Rollo – 5,0
(22. İbrahim Əliyev, 86) – qiymətsiz
94. Rafael Vieqaş – 5,5
(44. Həzrət İsayev, 86) – qiymətsiz
17. Ezekyel Morqan – 6,0
7. Juninyo – 5,5
5. İdris İnqilablı – 5,0
(77. Elmir Rəhimzadə, 56) – 5,0
21. Abbas Ağazadə - 5,0
9. Dioqo Almeyda – 5,5
Ehtiyat oyunçular
1. Hüseynəli Quliyev
97. Xəzər Mahmudov
27. Lətif Rzayev
3. Tuncay Yusifli
30. Xəlil Mürsəlli
10. Nikola Karaklaiç
Baş məşqçi: Jorj Kaşkilya
Komandanın ən yaxşısı: Ezekyel Morqan

Qol: K.Rossi, 79 (R.Məhərrəmli).
Vərəqələr: E.Banquera, 15 (qeyri-idman hərəkəti). D.Balau, 21 (qeyri-idman hərəkəti). K.Rossi, 28 (qeyri-idman hərəkəti). E.Morqan, 33 (qeyri-idman hərəkəti). A.Ağazadə, 77 (qeyri-idman hərəkəti) – sarı.
Hakimlər: RAUF CABBAROV, Teymur Teymurov, Tərlan Talıbzadə, Vüqar Həsənli (hamısı Bakı).
VAR hakimi: Rəvan Həmzəzadə (Şəki).
VAR hakiminin köməkçisi: Cəmil Quliyev (Bakı).
Hakim-inspektor: Vüsal Əliyev (Bakı).
AFFA nümayəndəsi: Seymur Səlimli (Bakı).
7 noyabr. Şamaxı. Şəhər stadionu. 500 tamaşaçı (2200 yerlik).
Birinci hissəyə 2, ikinci hissəyə 5 dəqiqə əlavə olunub.
Oyunun qiyməti: 5,5.

Premyer-liqada qalmaq uğrunda mübarizə aparan komandaların dueli gözlənilən qədər rəngarəng keçmədi. Halbuki həm “Şamaxı”, həm də “İmişli” indiyə qədər sərgilədiyi oyunla əzmkarlığını sübut etmiş, bir-biriylə kəllə-kəlləyə gələcəkləri təqdirdə yalnız qələbə üçün döyüşəcəkləri ilə bağlı mesaj ötürmüşdü...

Oyuna “Şamaxı” daha istəkli başladı. Meydan sahibləri hələ 1-ci dəqiqədə Rossinin cərimə meydançası həndəvərindən endirdiyi ardıcıl zərbələr sayəsində hesabı aça bilərdi. Ancaq qonaqların dərhal bu mövqedə sıxlaşması isveçrəlinin hər iki cəhddə uğursuz olmasıyla nəticələndi. “İmişli”nin cavab atəşi 8-ci dəqiqəyə təsadüf etdi. Almeyda Morqanın ötürməsi sayəsində təxminən 20 metr məsafədən fərqlənməyə yaxın olsa da, qeyri-dəqiq oynadı. Bundan sonra komandaların bir müddət mərkəzdə davam edən mübarizəsini izlədik.

“Pələnglər” vaxt ötdükcə üstünlüyü ələ alır, rəqib qapısı önündə qol vəziyyətləri yaradırdı. Aran təmsilçisi belə epizodların birində növbəti dəfə qol fürsətini əldən verdi: 17-ci dəqiqədə İdris həlledici zərbə vurmağa nail olsa da, Edqarın toxunuşu təhlükəni sovuşdurdu. Birinci hissənin qalan vaxtı böyük ölçüdə sakit məcrada keçdi. Bu baxımdan yalnız Rossinin 38-ci dəqiqədə dəyərləndirə bilmədiyi şansı qeyd etmək olar ki, isveçrəli həmin epizodda Sinenka ilə bacarmadı. Karim bununla təkbaşına uzun məsafə qət etməklə topu ona çatdıran Apolinarionun əziyyətini yerə vurdu desək, yanılmarıq. Belədə gözlər ikinci hissəyə dikildi.

Söhbət daha baxımlı keçəcəyinə ümid etdiyimiz yarıdan gedir ki, bu dəfə də komandalar azarkeşləri “ac qoydu”. Daha doğrusu, 60-cı dəqiqədə Morqanın təxminən 30 metrdən bəxtini sınaması topun tirin üstündən ötməsiylə nəticələndi. Bir qədər sonra Almeyda Vieqaşın qapı önünə göndərdiyi topa yiyələnə bilmədi. Buna Veremeyevin rəqibinin önünə keçməsi səbəb oldu. Bundan sona “Şamaxı”nın üstünlüyü ələ almaq cəhdlərinə şahidlik etdik. Bu ərəfədə yenicə meydana çıxan Həbib Sinenkayla təkbətək mübarizədən məğlub ayrıldısa, Enrikenin başla zərbəsi qeyri-dəqiq oldu.

Nəhayət, 78-ci dəqiqədə Şamaxı şəhər stadionundan qol səsi eşidildi: Rossi Rafaelin cərimə meydançasına göndərdiyi topu başla tora qovuşdurdu. Ardınca “şirlər”in fərqi artırmaq üçün daha bir hücumu oldu. Burda Balaunun zərbəsi qapıdan yan keçdi.

Odu ki, matç “Şamaxı”nın minimalhesablı qələbəsiylə başa çatdı. Ayxan Abbasovun komandası bu qələbə sayəsində premyer-liqada qalmaq uğrunda döyüşənlərin liderinə çevrildi. “İmişli” isə ardıcıl ikinci matçda uduzdu. Kaşkilya komandasının “qara zolağ”a düşməsindən ehtiyatlanmağa başlasa, yaxşıdı.

KƏNAN BAHADIR