İtaliyadan İspaniyaya üz tutacaq?

Duşan Vlahoviçin klubunu dəyişmək ehtimalı gündən-günə artır.

"Football-plus.az" xəbər verir ki, “Yuventus”un hücumçusu “Barselona”ya keçə bilər.

“Fichajes”in məlumatına görə, 25 yaşlı futbolçu artıq Turin klubu ilə müqaviləsini yeniləməyi düşünmür. “Barselona”nın baş məşqçisi Hans-Diter Flik də Vlahoviçi komandasında görmək istəyir.

Duşanın klubu ilə müqaviləsinin müddəti 2026-cı ilin yayına qədərdi. 2022-ci ildən “Yuventus”da forma geyən serb forvard bu mövsüm 10 matçda iştirak edib, 4 qol vurub və 1 məhsuldar ötürmə edib.