Boe: ''Yayda üzərimdə xüsusi olaraq çalışmamışam''
''Qalatasaray'' fanatlarına gözəl tanış olan Saşa Boe həm özünün, həm də ''Bavariya''nın bu mövsümkü performansını dəyərləndirib.
2024-ün yanvarında ''30+5'' milyon avroya ''Qalatasaray''dan Münhen nəhənginə yollanan fransalı cinah müdafiəçisi nəhayət, əsas heyətə düşməyə başlayıb. Boe bundesliqada son 4 matçın hamısında ilk ''11-lik''də meydana çıxıb. ''Bavariya'' isə bu mövsüm keçirdiyi 11 rəsmi oyunun hamısından qələbə ilə ayrılıb.
25 yaşlı futbolçu bunları deyib:
''Fiziki və psixoloji cəhətdən özümü çox yaxşı hiss edirəm. Eləcə də məşqçinin mənə güvəndiyini görürəm. Bu, mənim üçün çox önəmlidi. Yay hazırlıq dönəmində üzərimdə xüsusi olaraq çalışmamışam. Sadəcə həvəsdən düşməyərək məşqləri davam etdirdim. Komanda yoldaşlarım da məni hər zaman çox yaxşı dəstəklədilər. Özüməinamım da yüksek səviyyədədi. Mövsümün əvvəli bizim üçün sadəcə möhtəşəm başlayıb. Amma çalışmalıyıq ki, bu performansı davam etdirək''.
Boe bu mövsüm 11 rəsmi oyunda iştirak edərək aktivinə 1 məhsuldar ötürmə yazıb.
Digər xəbərlər
