"Qarabağ"ın haqqını vermək lazımdı, yaxşı oynadılar" - Kurban Berdıyev

"Turan Tovuz" Misli premyer-liqasının 8-ci turunda "Qarabağ"a uduzdu - 1:2.

"Football-plus.az" xəbər verir ki, "bozqurd"un baş məşqçisi Kurban Berdıyev oyunsonrası mətbuat konfransında jurnalistlərin suallarını cavabladı.

- Hər iki komanda yaxşı oyun nümayiş etdirdi. Təəssüflər olsun ki, ikinci hissənin ilk 10 dəqiqəsində 2 qol buraxdıq. "Qarabağ" kimi komandaya qarşı oynamaq çətindi. Onlara Çempionlar Liqasında uğurlar arzulayıram.

- Son 15 dəqiqədə sanki komandada fiziki cəhətdən eniş var idi. Siz necə düşünürsüz?
- Elə düşünmürəm. Fiziki baxımdan düşüş yox idi.

- İki hissə arasında hansı fərq var idi?
- Əvəzetmələr "Qarabağ"ın oyununu çox gücləndirdi. İkinci hissənin müəyyən qismində istədik ki, hesabı qoruyaq. Bu, bizə bir az mane oldu. Amma "Qarabağ"ın haqqını vermək lazımdı, yaxşı oynadılar. 

- Əvəzetmələrdə gecikdiyinizi düşünmürsüz?
- Xeyr, belə planlaşdırmışdıq.