Liqa 1-də sentyabrın ən yaxşı futbolçusu müəyyənləşib.

"Football-plus.az" xəbər verir ki, bu nominasiyanın qalibi Florian Toven olub.

Bu barədə turnirin mətbuat xidməti məlumat yayıb. “Lans”ın yarımmüdafiəçisi bütün həmkarlarını arxada qoyub. 32 yaşlı futbolçu sentyabrda keçirilən 3 matçda iştirak edib və 1 qol vurub. Qeyd edək ki, Florian bu mövsüm ümumilikdə 7 oyunda meydana çıxaraq 2 qolun müəllifi olub. Onun komandasının hazırda Fransa çempionatında 13 xalla turnir cədvəlinin 6-cı pilləsində olduğunu da xatırladaq.

Yeri gəlmişkən, A seriyasında da sentyabrın ən yaxşı futbolçusu məlum olub. Turnirin mətbuat xidmətinin yaydığı xəbərə görə, bu nominasiyanın qalibi “Milan”ın 27 yaşlı hücumçusu Kristian Pulişiç olub. ABŞ yığmasının üzvü azarkeşlər arasında keçirilən səsvermədə Federiko Başirotto (Kremoneze), Kevin De Bruyne (Napoli), Federiko Dimarko (İnter), Nikola Krstoviç (Atalanta) və Rikkardo Orsolinini (Bolonya) geridə qoyub.

Qeyd edək ki, Pulişiç ötən ay komandasının heyətində 3 matçda çıxış edib, 3 qol vurub və 2 məhsuldar ötürmə verib.