“Leykers”in hücumçusu Lebron Ceymsin sosial şəbəkədə verdiyi yeni anonsun basketbolla heç bir əlaqəsi olmadığı üzə çıxıb. Xatırladaq ki, Ceymsin sosial şəbəkə səhifəsində anonsun videosu yayılıb. Orda basketbolçu çəkiliş meydançasında stulda oturub. Bu mənzərə 2010-cu ildə televiziyada yayımlanan “Qərar” proqramını xatırladır.

“Bütün qərarların qərarı. 7 oktyabr. Sakit Okean vaxtı ilə 12.00”, - basketbolçu videonun altında bu sözləri yazıb və “ikinci qərar” həştəqini əlavə edib.
2010-cu ildə Lebron Ceyms ESPN-in “Qərar” adlı xüsusi proqramında “Klivlend”dən “Mayami”yə keçidini elan edib. Bu hadisə MBA tarixində ən çox danışılan olaylardan birinə çevrilib.

Oktyabrın 7-də məlum olub ki, forvard eynilə “Bütün qərarların qərarı" anonsu kimi başlayan spirtli içki reklamında çəkilib. İdmançı özü videoya bir neçə emoji ilə cavab verərək, əvvəlki paylaşımı ilə qəsdən ictimaiyyətlə zarafat etdiyinə eyham vurub. Lebronun yaşını nəzərə alan basketbolsevərlər oktyabrın 7-də artıq karyerasında sonuncu mövsümü keçirdiyini elan edəcəyini gözləyirdi.

Bu arada Lebronun mövsümöncəsi hazırlıq dövrünü buraxacağı məlun olub. Bununla bağlı xəbəri X sosial şəbəkəsində insayder Şəms Çaraniya yayıb. Onun yazdığına görə, 40 yaşlı amerikalı qasıq nahiyəsində əzələ ağrısına görə müalicə alır. Lebron karyerasında 23-cü olacaq mövsümün startına qədər hazır olacağını düşünür.