“Leykers”in və ABŞ basketbol yığmasının forvardı Lebron Ceyms oğluna iş vaxtı ona “ata” deməsinin qadağan olunduğunu deyib.
19 yaşlı basketbolçu da “gölməçəsevərlər”in şərəfini qoruyur. Ata Ceymsin fikirləri:
“O parket üzərində mənə “ata” deyə bilməz. Binanı tərk edəndən, qapılar bağlanandan sona yenidən ata oluram”.
Lebronun dediyinə görə, belə davranış Bronni üçün çətin deyil, onsuz da çox vaxt oğlu onu adı ilə çağırır. Xatırladaq ki, 2023-cü ildə məşq vaxtı ürəyi dayanan Bronni uzunmüddətli müalicə kursu keçib. Yalnız 5 aydan sonra karyerasını bərpa edə bilib.